Nyiaj los pab rau kev noj qab nyob zoo hauv tsev thiab kev nyab xeeb ntawm cov kuab tshuaj lom

Soj xyua seb lub sijhawm ntawd yuav ua dabtsi

Tuaj soj kuaj lub tsev pub dawb

Peb kuaj xyua koj lub tsev rau kev noj qab nyob zoo thiab kev nyabxeeb rau ntawm cov kuab tshuaj phomsij. Peb kuj yuav cob qhia nej kom paub tiv thaiv kev noj qab nyob zoo cheem kom txhob muaj kuab tshuaj phomsij rau hauv nej lub tsev. Yog tias tsim nyob, nej kuj yuav tau khoom pub dawb los pab kom vajtse nyab xeeb.

Txais Nyiaj Pab

Koj ua daim ntawv thov nyiaj pab kom tiav. Peb yuav xyua koj cov nyiaj khw los kom meej thiab qhov yuav tau ua kom tau lwm kob nyiaj pab.

Soj kuaj tagnrho lub tsev

Peb kuaj zaum thib ob kom paub tias lub tsev muaj kuab txhuas uas phomsij tiag.

Qhia qhov sojkuaj tshwm li cas

Peb yuav ntsib koj ntawm koj lub tsev. Peb nrog koj tham txog kuaj tshwm li cas, cov haujlwm uas yuav tau ua thiab sev cov nyiaj pab yog them rau qhov twg.

Kawm ib class qhia txog yuav li cas thiaj nyabxeeb txhob raug kuab txhuas

Koj kawm ib class muaj peb teev. Koj kawm tha xim thiab ua tej yam khoom me uas nyabxeeb tsis muaj kuab txhuas.

Haujlwm ua los ntawm koj

Cov haujlwm ua kob nyiaj pab tsis them, koj yuav tau ua, ib yam li tha xim rau lub qhov rai lossis tsev sab nrauv.

Cov haujlwm them los ntawm kob nyiaj pab

Tus contractor mam li laij tus nqe seb yuav siv npaum li cas thiaj li los kho kom tiav. Peb mam li them txog li ntawm $12,000. Yog tus nqe tshaj qhov ntawd, koj yuav tau them qhov seem ntawd.

Kev Kho

Tus contractor mam li teem sijhawm tuaj mus ua cov haujlwm ntawd. Tsis pub muaj leejtwg nyob rau hauv lub tsev rau lub sijhawm kho ntawd. Qhov nyiaj pab them nqe xauj chaw nyob txog li $175 toj ib hnub lossis $875 toj ib limtiam.

Cov tswvtsev xauj

Koj yuav tsum them li 10% ntawm tus nqe kho. Muaj nyiaj txais thiab.

Duas li ntawm cov xim nti rau cov tsev txua ua ntej 1978, muaj cov khoom vaj khoom tsev ua niaj hnub siv kuj raug tsuas cov kuab txhua lawm thiab.

Cov khoom muaj feem raug tsuas kuab txhuas

Cov khoom vaj khoom tsev uas niaj hnub siv

• Hmoov txujlom, li cov hmoob qhiav daj thiaj hmoov kua txob
• Piab pleev xws li sindoor thiab kumkum
• Khobnoom ua muaj pleev hmoov kua txob thiab majqham
• Loj kaub tais diav/tais av puab pleev kom ci nrog cov xim muaj kuab txhuas uas tuaj txawv tebchaws tuaj
• Cov khoom ua noj ua haus ua yog txhuas uas tuaj txawv tebchaws tuaj

Tshuaj Ntsuab

• Ba-baw-san, Suav cov tshuaj ntsuab
• Daw Tway, Thaib cov tshuaj pab plab zom zaub mov
• Greta and Azarcon, Mev cov tshuaj ntsuab rau mob plab
• Ghasard, Tshuaj Ntsuab India

Yog koj txhawj tias koj lossis ib tug neeg hauv tsev neeg siv cov tshuaj uas tej zaum muaj kuab txhuas, Hennepin County yuav pab tau. Hennepin County kuaj yam khoom ntawd seb puas muaj kuab txhuas thiab tsis yuav nqe li. Qhov kuaj ntawd yuav tsis ua rau koj yam khoom puas, thiab yeej yuav muaj rov qab rau koj zoo li qhov qub thaum peb txais tau ntawm koj los.

Yog xav paub ntxiv txog qhov muab koj yam khoom kuaj xa email rau healthyhomes@hennepin.us lossis hu rau 612-387-8235.

Txhua xyoo, muaj li ntawm 200 leej menyuam hauv Hennepin County muaj kuab txhua ntau heev hauv lawv cov ntshav, ntau txaus los ua mob rau lawv kev noj qab haus huv.

Rau cov menyuam yaus, kev tsuas tau kuab txhuas muaj feem ua rau:

• Lub hlwb puas tau thiab hlab xa xov puas tau (nervous system damage)
• Ncua kev hlob thiab ncua kev loj hlob
• Ncua kev kawm thiab cwjpwm tsis zoo
• Pob ntseg lag thiab kev hais lus tsis meej

Tiv thaiv cheem kom txhob raug kuab txhuas lom

Minnesota Department of Health ntau ntawv qhia txog kev phomsij ntawm cov xim muaj kuab txhuas

Lub koomhaum Minnesota Department of Health tagnrho cov menyuam muaj li 12 hli rau 24 hli yuav tsum tso ntshav kuaj seb puas muaj kuab txhuas. Yog koj txhawj tias tej zaum koj tus menyuam ho tsuas tau cov kuab txhuas, ces nrog koj tus kws kho mob tham thiab kom lawv tso ntshav kuaj.

Xav paub ntxiv txog MDH kev tso ntshav kuaj kuab txhuas mus nrhiav hauv Minnesota Department of Health website.

Yam ua rau muaj kev txog siav hawb pob ua tsis tau pa

Yog koj muaj tus menyuam uas muaj kev txogsiav hawb pob ua tsis tau pas, koj muaj feem tau kev pab kom muaj neeg tuaj saib kuaj tsev seb puas muaj tej yam uas tsis nyab xeeb thiab tsis zoo rau kev noj qab nyob zoo. Koj kuj muajfeem tau khoom los siv pab txo kom txhob muaj tej yam xws li kab plua plav, tej tsuag thiab pwm ua rau qhov txog siav huam.

Tiv tas peb ntawm healthyhomes@hennepin.us lossis ntawm 612-543-4182.

Kev Pabcuam kho vaj kho tsev

Yog koj nyob nraum ntug Hennepin County, koj kuj muaj feem tau peb qhov kev pabcuam kho vaj kho tsev. Koj yuav tau kev pab xws li tshem cov kuab radon thiab pwm ua tsis zoo thiab nyab xeeb rau kev noj qab nyob zoo.

Mus xyuas phab qhia txog qhov kev pabcuam kho vaj kho tsev.